Xəbər Lenti

    AVF rəhbərliyi CEV rəsmiləri ilə görüşdü

    VoleybolTarix: 2017-08-03 12:37:00
    ...

    “Voleybol Mərkəzində” Azərbaycan Voleybol Federasiyasının prezidenti Cavid Qurbanov AVF-nin və 2017 CEV Avropa çempionatının təşkilat komitəsinin nümayəndələri ilə görüşüb. Sport24.az xəbər verir ki, o, turnirin yüksək səviyyədə keçirilməsi üçün əllərindən gələni edəcəklərini bildirib: 

    "Artıq neçə illərdir ki, Azərbaycan beynəlxalq yarışlara ev sahibliyi edir. Bizi, AVF-ni qarşıda böyük imtahan gözləyir desək doğru olar. 80-dan çox ölkəyə yayımlanacaq voleybol üzrə qadınlar arasında keçiriləcək Avropa çempionatı ölkəmizdə, Bakıda və Göygöldə baş tutacaq. Avropa çempionatının Gürcüstanla birgə keçirilməsinə baxmayaraq deyə bilərəm ki, böyük məsuliyyət Azərbaycanın üzərinə düşür. Çünki, 3 qrupun, yarımfinal və final oyunları ölkəmizdə keçiriləcəkdir. Hər birimiz əlimizdən gələni etməliyik ki, yarışda iştirak edəcək idmançılar, qonaqlar, jurnalistlər bizim təşkilatçılığımızdan razı qalsınlar. Çıxışımın əvvəlində qeyd etdiyim kimi ölkəmiz böyük yarışlara ev sahibliyi edib. İnanıram ki, bu yarışı da (Avropa çempionatı) yüksək səviyyədə keçirəcəyik.

    Sizin hər hansı bir sualınız olarsa AVF hər zaman bu sualların həlli üçün sizə kömək etməyə hazırdır. Mən və AVF vitse-prezidentləri, AVF işçıləri sizləri maraqlandıran bütün məsələlərə cavab verə bilərik. Bildiyiniz kimi AVF–nin I vitse prezidenti Faiq Qarayevdir. O, həm də qadınlardan ibarət milli komandamızın baş məşqçisidir. Avropa çempionatının başlanmasına az vaxt qalıb. Düşünürəm ki, Faiq Qarayevi hər hansı təşkilati suallarla narahat etməyək. Çünki ən böyük məsuliyyət onun üzərindədir. Fikrimcə, komandamız Avropa Çempionatında yüksək nəticə əldə edəcəkdir. Qızlarımız buna layiqdirlər".

    Faiq Qarayev isə bu mötəbər turnirin əhəmiyyətindən danışıb: "Azərbaycan Voleybol Federasiyası bir çox beynəlxalq yarışlara ev sahibliyi edib. Avropa çempionatı isə daha böyük məsuliyyət deməkdir, həm federasiya olaraq, həm də komanda olaraq. Inanıram ki, Cavid Qurbanovun dediyi kimi, bu imtahandan da yüksək nəticə əldə edəcəyik. Qeyd edim ki, iyul ayında CEV nümayəndələri ölkəmizdə 10 gün səfərdə oldular. Bu səfərin məqsədi Bakıda və Göygöldə test oyunlarının keçirilməsi idi. Bu haqqda AVF-nin nəznində olan Voleybol Regional inkişaf mərkəzinin rəhbəri və Avropa çempionatının təşkilatı üzrə məsul şəxs Nərgiz İsmayılova bizə məruzə edəcək".

    Nərgiz İsmayılova: "22-25 iyul tarixlərində Bakıda və Göygöl şəhərlərində test yoxlama oyunları keçirildi. 22 iyulda Bakıda “Milli Gimnastika Arenası”nda və 25 iyulda Göygöldə “Olimpiya İdman Kompleksi”ndə test yoxlama oyunları keçirildi. Bu oyunlarda arenalarda işıqlandırma sistemi, “Challenge” sistem, led sistem və digər texniki məsələlər yoxlanıldı. Nəzərinizə çatdırım ki, Avro Voleybol Konfederasiyasından gələn nümayəndələr arenalardan razı qaldılar. 28 iyul tarixində isə Bakıda Heydər Əliyev Mərkəzində Voleybol festivalı keçirildi. Qeyd edim ki, festival Avropa çempionatının təbliğı məqsədi ilə keçirildi. Tədbirdə milli komandamızın qızları iştirak etdilər. Belə bir fetivalın keçirildiyi üçün Azərbaycan Voleybol Federasiyası CEV-dən təşəkkür məktubu aldı. Məlumat verim ki, online və Bakıda kassalarda bilet satışınada start vermişik. Bu gün üçün hər hansı bir həll olunmayan sualımız yoxdur".

    Iclasın sonunda təşkilat komitəsinin nümayəndələri çıxış etdilər. Onlarda öz növbələrində bu yarışın Avropa çempionatının keçirilməsində, təşkilati məsələlərdə hər bir köməkliyi edəcəklərini vurğuladılar.

Topaz Premyer Liqası
Komanda O Q H M T/F X
Qarabağ 8 6 1 1 14-4 19
Qəbələ 9 6 1 2 12-8 19
Zirə 9 5 3 1 16-7 18
Sumqayıt 9 4 1 4 10-12 13
Neftçi 9 3 1 5 10-9 10
Səbail 8 3 0 5 5-12 9
İnter 9 2 2 5 7-12 8
Kəpəz 9 1 1 7 5-15 4
I Divizion
Komanda O Q H M T/F X
Qaradağ L. 4 3 1 0 7-3 10
Sabah 4 2 1 1 7-2 7
Binə 4 2 1 1 5-1 7
MOİK 4 2 1 1 5-3 7
Turan T. 4 2 1 1 5-7 7
Xəzər 4 1 2 1 6-3 5
Şüvəlan 4 1 1 2 2-3 4
Mil-Muğan 4 1 1 2 4-7 4
Ağsu 4 1 1 2 4-7 4
Zaqatala 4 0 0 4 1-12 0