"Trabzonspor"un futbolçusu Nikolas Pepe komandadan ayrılmağa hazırlaşır. Sport24.az "Footmercato"ya istinadən xəbər verir ki, fransalı oyunçu Qaradəniz klubunda qalmaq niyyətində deyil.
O, Səudiyyə Ərəbistanı və ya Fransa klubları arasında seçim edəcək.
Pepe bu mövsüm 19 oyunda 5 qol, 2 məhsuldar ötürmə ilə yadda qalıb. 28 yaşlı oyunçu mövsümün sonunda azad agent statusuna sahib olacaq.
Qeyd edək ki, futbolçu karyerası ərzində "Anjer", "Lill", "Arsenal", "Nitsa" kimi klubların formasını geyinib.
