Xəbər Lenti

    Olimpiya çempionumuzdan baxış: "Tokioyadək xeyli cüdoçumuz yetişəcək"

    CüdoTarix: 2017-03-13 11:15:05
    ...

    Cüdo üzrə olimpiya çempionu Nazim Hüseynov Sport24-ə müsahibə verib. Hazırda Azərbaycan Cüdo Federasiyasında çalışan veteren idmançı dünən başa çatan "Böyük Dəbilqə" və digər məsələlər haqda danışıb.

    - Nazim bəy, sizcə, necə çıxış etdik?
    - Hesab edirəm ki, nəticə yaxşıdı. Keçən ilə nisbətdə xeyli yaxşı çıxış etdik. Elmar Qasımov son anda "qızıl"ı əldən verməsəydi, daha yaxşı olardı təbii ki.

     

    - Keçən il daha güclü rəqabət vardı...
    - O da düzdü. Amma məsələn, 73 və 81 kiloqramdakı rəqabət heç də keçənilkindən geri qalmırdı. 81-də birinci olan Rüfət İsmayılov çıxışı ilə dünya cüdo ictimaiyyətini təəccübləndirdi. 

     

    - Rüfət haqda nə fikirdəsiz, sizcə, bu çəkidə uzun müddətdi müşahidə olunan boşluğu doldura biləcək?
    - Zəif cəhətləri də var. Üstündə bir xeyli çalışmalıdı. Ancaq böyük ölçüdə götürdükdə, istedadlı cüdoçudu. Gələcəyi böyük ümid vəd edir. Bir məsələ də var ki, onun çəkisi 81-dən daha çox olur, yaxınlarda 90 kiloqram çəki dərəcəsinə keçməsi gözlənilir. 

     

    - Siz və Elnur Məmmədlidən sonra beynəlxalq arenada bir "Asiya sindromu" yaşanır. Təmsilçilərimiz xüsusən Yaponiya cüdoçuları ilə görüşlərdə çox çətinlik çəkirlər...
    - Niyə, reytinqdə lider olan uşaqlar var yığmada. Orxan Səfərov, Rüstəm Orucov, Elmar Qasımovdan çəkinirlər.
    Hesab edirəm ki, Tokioyadək xeyli sayda iddialı cüdoçumuz yetişəcək. Federasiyanın yeni rəhbərliyi cüdoya daha böyük diqqət ayırır. 

     

    - Avropa çempionatı, İslam Oyunları, dünya çempionatı kimi mötəbər yarışlar var qarşıda. Bu yarışlarda kimlərin nəticə qazanacağına ümid edirsiz?
    - Orxan Səfərov, Nicat Şıxəlizadə, Rüstəm Orucov, Hidayət Heydərov, Məmmədəli Mehdiyev, Elmar Qasımova inanıram.

     

    - Bəs Elxan Məmmədov?
    - Məncə, Elxan bu il getməlidi. İslam Oyunlarında nə edəcəksə, edəcək, bundan sonra çətin davam gətirə.

     

    SAHİB ƏSƏDBƏYLİ
     

Topaz Premyer Liqası
Komanda O Q H M T/F X
Qarabağ 28 18 6 4 46-14 62
Qəbələ 28 14 10 4 48-21 52
İnter 28 11 10 7 39-33 43
Zirə 28 10 9 9 29-26 39
Kəpəz 28 9 9 10 24-27 36
Sumqayıt 28 9 8 11 28-35 35
Neftçi 28 9 2 17 24-45 29
AZAL 27 1 7 20 13-50 10
I Divizion
Komanda O Q H M T/F X
Turan 26 18 7 1 62-11 61
Səbail 26 18 3 5 80-25 57
Ağsu 26 16 5 5 63- 21 53
Qaradağ L. 26 17 1 8 64-31 52
Zaqatala 26 15 4 7 69-31 49
Şəmkir 26 15 3 8 41-20 48
Mil Muğan 26 13 5 8 53-33 44
MOİK 26 10 6 10 47-31 36
Şahdağ 26 8 6 12 36-45 30
Şərurspor 26 7 4 15 36-54 25
Energetik 26 5 5 16 25-86 20
Bakılı 26 3 2 21 30-99 11
Rəvan 26 6 1 19 24-70 10
Göyəzən 26 2 4 20 20-99 10