Rusiya Federasiyasının Prezidenti Vladimir Putin Moskvanın "Dinamo" komandasının amerikalı xokkeyçisi Brennan Menelə Rusiya vətəndaşlığı verilməsi haqqında fərman imzalayıb. Sport24.az xəbər verir ki, bu barədə yerli media rəsmi mənbələrə istinadən məlumat yayıb.
"Dinamo"nun idman direktoru Aleksey Sopin xokkeyçinin 2023-cü ilin aprelində Rusiya vətəndaşlığını almaq arzusunu açıqlayıb. Aprelin ortalarında amerikalı 3 illik müqavilə imzalayaraq paytaxt klubu ilə müddəti artırıb. 25 yaşlı müdafiəçi 2022/23 mövsümündə Kontinental Xokkey Liqasında (KHL) 44 oyuna çıxıb. 2 vuran Menel 22 məhsuldar ötürmə edib.
Qaydalara əsasən, yeni mövsümdən KHL klubları Avrasiya İqtisadi İttifaqına üzv olan ölkələrin (Rusiya, Qazaxıstan, Belarus, Qırğızıstan, Ermənistan) nümayəndələri istisna olmaqla, oyunlara üçdən çox olmayan əcnəbi oyunçunu daxil edə biləcək.
