Azərbaycanın hokkey üzrə "Baku Flames" komandası Kazanda İslam ölkələri arasında təşkil edilən "Orxis Cup" beynəlxalq turnirində yer aldığı B Liqasının qalibi olub. Sport24.az xəbər verir ki, təmsilçimiz keçirdiyi hər üç oyunu qələbə ilə başa vurub.
"Baku Flames" qrupda İrana (11:6), Bəhreynə isə iki dəfə (8:3, 7:3) qalib gəlib. Növbəti il komandamız turnirin A Liqasında çıxış edəcək.
Qeyd edək ki, Azərbaycan komandası ilə yanaşı, medallar uğrunda Türkiyə, Qazaxıstan, Monqolustan, İran, Livan, Bəhreyn, Tatarıstan və Qırğızıstan təmsilçiləri də mübarizə aparıb.
