"Kəpəz"in son qış transferi olan Salif Sisse zədəsini sağaldıb. Klubdan Sport24.az-a verilən məlumata görə, 30 yaşlı fransalı hücumçu artıq komandanın hazırlığına qatılıb.
Belə ki, Sisse bu gün Gəndəcə oyunöncəsi son məşqdə iştirak edib. Forvard "Qarabağ"la sabahkı matçda baş məşqçisi Tərlan Əhmədovun sərəncamında olacaq. Görüş saat 14:00-da Gəncə şəhər stadionunda keçiriləcək.
Xatırladaq ki, Salif keçən turda "Səbail"lə səfər matçında zədəli olması üzündən adı protokola daxil edilməmişdi. O, Premyer Liqamızda ilk və hələ ki yeganə oyununu Gəncədə "Qəbələ"ylə 2:2 hesabıyla nəticələnən qarşılaşmada son 5 dəqiqədə meydanda olmaqla keçirib.
