Bu gün Sumqayıt Olimpiya İdman Kompleksində Azərbaycan Basketbol Liqasının (ABL) 12 -ci turunun üçüncü oyunu baş tutub.
Sport24.az xəbər verir ki, pley-off uğrunda mübarizə aparan "Sumqayıt" və "Sərhədçi" klublarının oyununda qonaqlar 91:63 hesablı rahat qələbə qazanıblar.
Evren Alkayanın gəlişindən sonra, bu, sərhədçilərin ardıcıl üçüncü qələbəsi olub. Ən məhsuldar basketbolçular "Sumqayıt"da Cey Mörl (17 xal, 4 ribaund), "Sərhədçi"də isə Troy Kraknel (16 xal, 5 ribaund) olublar.
