"Neftçi" Azərbaycan çempionatları tarixində 550-ci qələbəsini qazanıb. Sport24.az-ın məlumatına görə, yubiley qələbəsi Misli Premyer Liqasının VI turunda qeydə alınıb.
Paytaxt təmsilçisi yubiley uğuruna Azərbaycan çempionatlarındakı 1000-ci matçında çatıb. "Ağ-qaralar" səfərdə "Qəbələ"ni 3:0 hesabı ilə məğlub edərək 550-ci qələbəsini rəsmiləşdirib.
"Neftçi"nin aktivində 227 heç-heçə və 223 məğlubiyyət də var.
Xatırladaq ki, "Neftçi" VI turda səfərdə "Qəbələ"ni 3:0 hesabı ilə məğlub edib.
