Dünyaca ünlü reper Dreykin növbəti dəfə idmana pul qoyuluşu etdiyi məlum olub. Sport24.az xəbər verir ki, bu dəfə o, ''Denver'' ilə ''Mayami'' arasındakı MBA-nın final seriyasına pul qoyuluşu edib.
Knadalı musiqiçi 2 variant seçib. Bir variantda o, ''Denver''in qələbəsinə 1 milyon dollar atıb. 2-ci variantda isə ''Denver''in konkret 4:1 hesabı ilə üstün olacağına 250 min dollar atıb. Bu variantlar gələcəyi təqdirdə reper 2 milyon dollardan çox qazana bilər.
Xatırladaq ki, ''Denver'' 1:0 öndədi. İndiyə qədər Dreykin əksər pul qoyuluşları uğursuz olub. Məsələn o, son mundialın finalında Argentinanın Fransa üzərində qələbəsinə 1 milyon dollar qoymuşdu. Argentina əsas vaxtda qalib gələ bilmədiyindən o, pulunu itirmişdi. Amma onun uduşu da olub. Məsələn, orta çəki dərəcəsində UFC çempionluğu uğrunda İsrael Adesenyanın Aleks Pereyranı məğlub etməsi Dreykə 2,7 milyon dollar qazandırmışdı.
