"Barselona"nın əfsanəvi keçmiş futbolçusu və hazırda Dubayda (BƏƏ) "Qalf Yunayted" klubunun baş məşqçisi olan Andres İniesta Kataloniya klubunda işə qayıtmaq ehtimalı barədə danışıb. Sport24.az xəbər verir ki, o, bu barədə "Mundo Deportivo" nəşrinə açıqlama verib:
"Nə baş verəcəyinə tale qərar verəcək. Əlbəttə, məşqçilik karyerama orada davam etmək – "Barsa"nın mənim üçün nə ifadə etdiyini nəzərə alsaq – çox gözəl olardı, lakin bu, mənim xüsusi bir məqsəd kimi çalışdığım bir məsələ deyil.
Həmişə demişəm ki, arzum futbolçu olmaq idi. "Barselona"ya gələndə əsas məqsədim əsas komandada uğur qazanmaq idi. Bunlar mənim şüurumda çox aydın şəkildə formalaşmış hədəflər və ya baxışlar idi.
İndi isə – bəlkə də daha ölçülü-biçili yanaşmaya üstünlük verirəm. Amma bir şey dəqiqdir: mən bu başlanğıcdan həqiqətən zövq alıram. Və təkcə məşqçi olduğum üçün yox, həm də bu peşənin gətirdiyi hər şeyə görə".
Qeyd edək ki, 42 yaşlı İniesta 2026-cı ilin yayından "Qalf Yunayted"ə rəhbərlik edir. Bu, onun məşqçilik karyerasında çalışdırdığı ilk komandadır.
