Niderlandın Veyk-an-Zee şəhərində keçirilən "Tata Steel Chess" turniri başa çatıb. Sport24.az xəbər verir ki, Aydın Süleymanlı "Challengers" yarışının son turunda rumıniyalı İrina Bulmaqaya qalib gəlib.
Azərbaycan şahmatçısı 13 turdan sonra 9,5 xal toplayıb və Çexiya təmsilçisi Tay Nquenlə 1-2-ci yerləri bölüşdürüb. Amma əlavə göstəricilərə görə Süleymanlı ikinci olub.
Qeyd edək ki, 19 yaşlı şahmatçımız 7 oyunda qələbə qazanıb, beş oyunda heç-heçə edib və yalnız bir dəfə uduzub.
