Bəhreyn Qran-prisindən sonra tənqidlərə tuş gələn “Ferrari” həftəsonu keçiriləcək Səudiyyə Ərəbistandakı yarışı səbirsizliklə gözləyir. Sport24.az xəbər verir ki, İtaliya komandasının pilotları uğurlu çıxışla tənqidçiləri susdurmaq istəyir.
“Ferrari”nin lideri əsas pilotu Şarl Lekler isə ümumiyyətlə mətbuatda yazılanlarla razılaşmır: “Mətbuatda haqqımızda yazılanların hamısı yalandır. Komanda ətrafında elə söz-söhbətlər gəzir ki, onların 90 faizinin heç bir əsası yoxdur. Ümumiyyətlə, insanlar bu informasiyanı haradan alır? Ümumiyyətlə, vaxtımı belə şayiələrə xərcləmək istəmirəm. Sadəcə, komandanın çıxışı haqda fikirləşməliyik”.
Xatırladaq ki, bir müddət əvvəl Bəhreyn Qran-prisindən sonra Leklerin “Ferrari” prezidenti Con Elkannla görüş tələb etməsi ilə bağlı məlumatlat yayılmışdı. Bəzi mənbələr isə bu komandanın baş direktoru ilə kollektivin rəhbəri Frederik Vasserlə yola yola getmədiyini yazır.
