Bu gün Özbəkistanın Səmərqənd şəhərində 46-cı Ümumdünya Şahmat Olimpiadası başlayır. Sport24.az xəbər verir ki, yarışda ölkəmizin kişi və qadınlardan ibarət milli komandaları da mübarizə aparacaqlar.
Kişilərin turnirində Şəhriyar Məmmədyarov, Rauf Məmmədov, Aydın Süleymanlı, Məhəmməd Muradlı və Eltac Səfərli Azərbaycanı təmsil edəcək. Qadınların mübarizəsində isə Ülviyyə Fətəliyeva, Günay Məmmədzadə, Gövhər Beydullayeva, Xanım Balacayeva və Gülnar Məmmədova çıxış edəcəklər.
İlkin turda püşkə əsasən, kişilərdən ibarət Azərbaycan milli komandası Mərakeş, qadın milli komandası isə Qvatemala şahmatçıları ilə üz-üzə gələcək. İlk turda Şəhriyar Məmmədyarovla Ülviyyə Fətəliyeva istirahət edəcəklər.
Qeyd edək ki, Ümumdünya Şahmat Olimpiadası İsveçrə sistemi üzrə 11 turdan ibarət olacaq və sentyabrın 27-də başa çatacaq. Turnirdə 208 komandanın heyətində 1032 şahmatçı iştirak edir.
