"Formula 1" üzrə Çin Qran-prisinin sprint yarışı başa çatıb. Sport24.az xəbər verir ki, Şanxay trasında təşkil olunan qısa məsafəli yürüşdə "Mercedes" komandasının britaniyalı pilotu Corc Rassell qalib gəlib.
"Ferrari"nin monakolu sürücüsü Şarl Lekler finiş xəttini ikinci keçib. Onun komanda yoldaşı, britaniyalı Lüis Hemilton isə yarışı üçüncü pillədə tamamlayıb.
Qeyd edək ki, Çin Qran-prisinin əsas yarışı martın 15-də keçiriləcək. Pilotlar həmin yürüşdə çempionat üçün növbəti xalları qazanmağa çalışacaqlar.
