"Mançester Yunayted"in yarımmüdafiəçisi Karlos Kazemiro karyerasını ABŞ-də davam etdirə bilər. Sport24.az "ESPN" istinadən xəbər verir ki, "İnter Mayami" braziliyalı futbolçunun transferini yekunlaşdırmaq üçün danışıqları davam etdirir.
Mənbənin sözlərinə görə, Kazemironun xidmətində təkcə Mayami klubu yox, həmçinin MLS-in digər təmsilçisi "LA Qalaksi" və Səudiyyə Ərəbistanının "Əl-İttihad" klubu da maraqlı olub. Lakin ulduz futbolçunun əsas seçimi məhz Lionel Messinin də formasını geyindiyi "İnter Mayami"dir.
Qeyd edək ki, 34 yaşlı yarımmüdafiəçi yanvarda "Mançester Yunayted"dən ayrılacağını açıqlamışdı. Onun İngiltərə klubu ilə müqaviləsi iyunun 30-da başa çatır və futbolçu ABŞ təmsilçisinə azad agent kimi qoşula bilər.
