Beynəlxalq Qılıncoynatma Federasiyasının (FİE) Rusiya və Belarus idmançılarının neytral statusda öz bayrağı altında keçirilən yarışlarda iştirakına icazə verməsi polşalıları qəzəbləndirib. Sport24.az xəbər verir ki, məsələ ondadır ki, Polşanın Poznan şəhəri bu il qadınlar arasında Dünya Kubokuna ev sahibliyi edəcək.
Polşa Qılıncoynatma Federasiyasının baş katibi Yatsek Slupski bütün bunlara görə FİE-dən hesabat tələb edib. O, ali qurumun onlara məntiqli izah verməli olduğunu söyləyib. Bu, baş verməyəcəyi halda, Poznan şəhəri Dünya Kubokunun təşkilatçılığından imtina edə bilər.
Maraqlıdır ki, artıq Almaniya bu istiqamətdə ilk addımını atıb. Adıçəkilən ölkə Rusiya və Belarus qılıncoynadanlarına görə Dünya Kubokunun mərhələ yarışını təşkil etməkdən boyun qaçırıb.
