İsveçin Falun şəhərində keçirilən xizək idmanı üzrə dünya çempionatında iştirakçıları və azarkeşləri həyəcanlandıran hadisə yaşanıb. Sport24.az xəbər verir ki, yarışın keçirildiyi ərazidə canavar aşkarlanıb. Həftə ərzində neçə dəfə həmin əraziyə gəlib-gedən vəhşi heyvanı tutmaq bir müddət çətin prosesə çevrilsə də, sonradan onu zərərsizləşdirmək mümkün olub.

İdman obyektinin meneceri Yonas Bostrem baş verənlər haqda bunları söyləyib: “Hər şey ötən həftədən başladı. Cümə günü kimsə bizə dedi ki, trassda canavar görüb. Bu ərazidə gənclər və uşaqların sayı çoxdur. İşimizə məsuliyyətlə yanaşmalıyıq. Ona görə də həmin canavarı məhv etmək lazım idi”.