“Böyük Dəbilqə” seriyalı turnirlərin 22 qat qalibi Novak Cokoviç daha bir “Masters” turnirindən kənarda qalacaq. Sport24.az xəbər ki, koronavirus əleyhinə peyvənd olunmadığına görə ABŞ-a buraxılmayan serbiyalı raketka ustası İndian-Uells “Masters” turnirində iştirak edə bilmədiyindən eyni səbəbdən “Mayami Masters”də də mübarizə aparmaq imkanından məhrum olub. Daha doğrusu, ABŞ hökümətindən güzəşt uman Novak qarşı tərəfdən cavab almadığına görə yarışdan çəkildiyini açıqlayıb.

“Mayami Masters” turnirinin direktoru Ceyms Bleyk Cokovilçin yarışdan çəkilməsinə belə münasaibət bildirib: “Biz əlimizdən gələni etdik. Hökümət nümayəndələri ilə Cokoviçə güzəşt edilməsi məsələsi ilə bağlı danışdıq. Amma bu baş vermədi. Təəssüf ki, son qərarı vermək səlahiyyətlərimizə aid deyil”.