Sosial şəbəkələrdə "Nikosayağı" kimi tanınan blogger Nicat Şakirli idarə etdiyi "Porsche" markalı avtomobillə Heydər Əliyev prospektində Ramiz Aivazovun idarə etdiyi yük maşınına çırpılıb. Sport24.az xəbər verir ki, nəticədə avtomobildə olan Nicat Şakirlinin dostu, Gəncə şəhər sakini, 1996-cı il təvəllüdlü Ruslan Məmmədov ölüb.
Sürücü Nicat Şakirli və Fəxri Rüstəmov TƏBİB-in tabeliyindəki tibb müəssisələrinə təxliyə olunublar. Nicat Şükürlünün qolu amputasiya olunub, reanimasiyadadır. Hadisə yerinə kömək etmək üçün gələn vətəndaş Fəxri Rüstəmov xəsarət alıb. Nəqliyyatın hərəkətinin tənzimləməyə çalışan polis əməkdaşını isə maşın vurub.
Redaksiyamıza ötürülən bilgiyə görə, dünyasını dəyişən Ruslan Məmmədov vaxtilə adı “Kəpəz”lə yanaşı hallanan, daha dəqiq desək, “sarı-göylər”ə sponsorluq etmək istəyən Şahin Məmmədovun oğludu. Şahin bəy Gəncədə iş adamı kimi tanınır. Şəhərdəki “İmperial” və “Qold İmperial” restoranları ona məxsusdu.
Allah rəhmət eləsin!
