Dörd çəkidə sabiq dünya çempionu, əfsanəvi amerikalı boksçu Roy Cons superağır çəkidə yaxın gələcəkdə ''at oynadacaq'' boksçunun adını açıqlayıb. Sport24.az xəbər verir ki, Consun fikrincə, bu, Cared Anderson olacaq.
23 yaşlı ikiqat ABŞ çempionu indiyə qədər keçirdiyi 14 döyüşün hamısında qalib gəlib.
Consun fikrincə, 'Cared adını tarixə yazdırmaq üçün bütün lazımi keyfiyyətlərə malikdi: "İldən-ilə ona olan maraq artır. Amma diqqətini heç nəyə yayındırmır. Onun üçün titullar çox da mühüm əhəmiyyət kəsb etmir. Cared gənc nəsil üçün örnək olub onları ruhlandırmağa çalışır. Superağır çəkidə Amerikanın ən yaxşı boksçusu sayılmağa tam layiqdi. Düzdü, maneələri dəf etdikcə ona daha da çətin olacaq. Hər dəfə yeni çağırışla qarşılaşacaq. Amma Andersonun ən xoşuma gələn özəlliyi ətrafındakı söz-söhbətlərə fikir verməməsidi. Özünə qarşı hər zaman dürüst olmalıdı. O, Amerika boksunun gələcəyidi''.
