UEFA Çempionlar Liqasının III təsnifat mərhələsində Macarıstan “Ferentsvaroş”u ilə Bakıda 1:1 hesablı bərabərliyə imza atan “Qarabağ”ın baş məşqçisi Qurban Qurbanov mətbuat konfransı kecirib. Sport24.az xəbər verir ki, təcrübəli mütəxəssis əvvəlcə oyun haqda fikirlərini bölüşüb.
- Çox gərgin və maraqlı oyun izlədik. Rəqibin topla yaxşı davranmaq bacarığını əvvəlcədən qeyd etmişdim. Ən çox fərdi mübarizə apardığımız görüş oldu. Hər şey cavab oyununda bilinəcək. Çalışacağıq futbolçularımız tam hazır olsun. Səfərdə əldə etdiyimiz şanslardan maksimum istifadə etməyə çalışacağıq ki, daim bizi dəstəkləyən azarkeşlərimizi sevindirək.
- İlk dəfə idi ki, bizə VAR lazım deyildi. Yenə bəxtimiz ətirmədi?
- Mən hər zaman düzgünlüyünü tərəfdarıyam. Oyrəşməliyik buna.
- Kadi olsaydı, fərqli oynayardınız?
- Onun mövqeyində çıxış edənlər bunu çox hiss etdirmədilər. Sadəcə, əlimizdə daha çox futbolçu olanda rotasiya etmək daha rahat olur.
- Çerçesov oyundan sonra Ozovicə xoş sözlər ünvanladı. Bəlkə onu komandasında görmək istəyir?
- Deyə bilmərəm. Hər halda futbolcum haqda xoş sözlər deyibsə, mənə də xoşdu.
- Həlledici məqamlarda topu arxaya oturmək nə ilə əlaqədar idi?
- Yəqin ki, son dəqiqələrdəki epizodları deyirsiniz. Məncə, yorğunluq öz sözünü deyirdi.
- Çempionat oyununu təxirə salmaq barədə qərarı dəyişmək istəmirsiniz?
- Xeyr, qərar vermişik.
- Çercesov oyundan sonra sizə nəyisə əsəbi formada bildirdi.
- Ovusu topu rəqibə qaytararkən qapıya vurduğunu iddia etdi.
- ÇL-də keçirdiyiniz 5 oyunun 4-də əvvəlcə qol buraxmısız. Ayılmaq üçün mütləq qol buraxmaq gərəkdi?
- Deyirsiniz ki, biz bilərəkdən qol buraxırıq? Komanda yatmır ki, ayılsın. Əsas odur ki, qol buraxsaq da, rəqibin üstünə getməkdə özümüzdə cəsarət və güc tapırıq. İnanın ki, bu uşaqlar gecələri yatmır, çalışırlar ki, bu komandanın adını uca tutsunlar.
- “Sürix”lə cavab oyunu ilə müqayisədə 6 dəyişiklik var idi: 4 məcburi və 2 taktiki. Nəticə ədalətlidir?
- Heç də heyətə görə yox, ümumən nəticəni ədalətli sayıram.
- Şamlar barədə nə deyərdiz?
- Zənnimcə, şanslar bərabərdi.
- “Sürix”lə cavab oyununun əlavə vaxta getməsi bugünkü görüşə təsir etdimi?
- Fikrimcə, etdi. Amma əlahiddə həddə yox. Səbəb kimi bunu göstərmək istəməzdim.
- Maksim səfərdə meydana çıxa biləcək?
- Hələlik qəti fikir bildirmək olmur. 1-2 gündən sonra daha dəqiq bilinəcək.
- Cavab oyunu həlledici olacaq.
- Uduzsaq belə, buna hazır olmalıyıq. Burdakindan da yaxşı oynamalıyıq ki, uğurlu nəticə əldə edək.
- Bu gün şəhid verdik, antiterror əməliyyatına start verildi. Bu, sizə hansısa formada təsir etdimi?
- Allah səhidimizə rəhmət eləsin. Əlbəttə, bu cür hallar bizi üzür. Mənim üçün çox təsirlidir. Çox şəhid vermişik. Çox üzücüdür. Hər birimizə təsir etdi. Hər bir legionerimiz də bütün proseslərdən xəbərdardır. Çox istərdim ki, bir daha şəhid verməyək. Allah yaxınlarına səbr versin.
