Batumidə kişi və qadın şahmatçıları arasında komanda Avropa çempionatında IV turun oyunları keçirilib. Sport24.az xəbər verir ki, hesabat turu hər iki yığmamız üçün uğurlu olub.
Kişilərdən ibarət yığmamızın 3 üzvünün partiyasını heç-heçə başa vurduğu turda Rauf Məmmədov İrji Stotsek üzərində qələbə qazanaraq, komandamıza 2 xal gətirib. Qadınların mübarizəsi isə daha məhsuldar alınıb. Zərif cins təmsilçilərimizdən yalnız Gülnar Məmmədovanın iştirakı ilə keçirilən partiya xal bölgüsü ilə nəticələnib. Xanım Balacayeva ikinci lövhədə məğlub olsa da, digər iki şahmatçımız qələbəni bayram ediblər.
AZƏRBAYCAN - Çexiya 2,5:1,5 Şəhriyar Məmmədyarov - David Navara 1/2:1/2 Arkadi Naydiç - Viktor Lazniçka 1/2:1/2 Rauf Məmmədov - İrji Stotsek 1:0 Qədir Hüseynov - Peter Mixalik 1/2:1/2
AZƏRBAYCAN - Rumıniya 2,5:1,5 Günay Məmmədzadə - İrina Bulmaqa 1:0 Xanım Balacayeva - Korina-İzabella Peptan 0:1 Gülnar - Məmmədova - Yelena-Lümnita Kosma 1/2:1/2 Türkan Məmmədyarova - Miruna-Dariya Lexaçi 1:0
Bu qələbələrdən sonra həm kişilər, həm də qadınlardan ibarət yığmalarımızın aktivində 6 xal var.
