Norveçin Stavanqere şəhərində keçirilən şahmat üzrə ''Norway Chess'' adlı super turnir başa çatmaq üzrədi. Sport24.az xəbər verir ki, əsas diqqət son illərə və şahmat tarixinə damğa vurmuş Maqnus Karlsenə yönəlmişdi.
Amma o, gözlənilmədən Vətənində kiturnirdə çox zəif çıxış edib. Bu turnir onun məğlubedilməz olması barədə mifi darmadağın edib.
Qeyd edək ki, bu turnirdə xal sistemi fərqli cür hesablanırdı. Klassik partiyada qalib gələn tərəfə 3 xal verilirdisə, məğlub tərəf xal qazanmırdı. Bərabərlik təqdirində hər iki oyunçu 1 xal qazanırdı və bunun ardından armaqeddonda daha yarım xal oynanılırdı. Dünya reytinqinin zirvəsində qərarlaşan Karlsen üçün turnir sözün əsl mənasında fiasko ilə nəticələnib. Turnirə Fabian Karuana ilə oyunda artıq 35-ci gedişdə uduzmaqla başlayan Karlsen sonrakı 7 partiyanın hamısından bərabərliklə ayrılıb və hamısında armaqeddonda qalib gəlməsi diqqət çəkbi. Amma son turda Karlsen hətta armaqeddonda da uduzaraq turniri yalnız 6-cı pillədə başa vurub
Bununla da Maqnus 16 ildən sonra ilk dəfə klassik şahmat üzrə bir turniri qələbəsiz bitirib. Sonuncu dəfə bu cür hadisə onun başına 17 yaşında - 2007-ci ildə gəlmişdi.
Turnirin zirvəsinə gəlincə, son turda inanılmaz hadisə baş verib. Belə ki, ikii amerikalı qrossmeysterin görüşündə Hikaru Nakamura Fabian Karuananı məğlub edərək 16,5 xalla çempion oldu. Halbuki, son turdan öncə aktivində 16 xal olan Karuanaya çempionluq üçün uduzmamaq yetərli idi. Amma o, bunun öhdəsindən gələ bilməyib.
Nakamura bu qələbə sayəsində dünya reytinqində 2-ci pilləyə yüksəlib. Həmyerlimiz Şəhriyar Məmmədyarovun turniri 7-ci pillədə bitirdiyi də bildirək.
