Şahmat üzrə millilərimiz Özbəkistanın Səmərqənd şəhərində təşkil olunan 46-cı Ümumdünya Şahmat Olimpiadasında (ÜŞO) bu gün növbəti oyunlarını keçirəcəklər. Sport24.az xəbər verir ki, kişilərdən ibarət milli VI turda Argentina ilə qarşılaşacaq.
Xanımlar isə Qazaxıstanla üz-üzə gələcək.
Qeyd edək ki, İsveçrə sistemi ilə keçirilən və 11 turdan ibarət yarışa sentyabrın 27-də yekun vurulacaq. 8 xalla 11-ci pillədə qərarlaşan kişilərdən ibarət komanda əvvəlki turlarda Mərakeş (4:0), Filippin (3:1) və İsveçrəni (3:1) məğlub edib. Çexiya və Rumıniya ilə isə "sülh" bağlayıb. Xanımlar isə 10 xalla 4-cü yerdəddir. Onlar bu tura qədər Qvatemala (4:0), Danimarka (4:0), Serbiya (3:1), İsveç (2,5:1,5) və İngiltərəni (2,5:1,5) məyus ediblər.
