Biatlon üzrə 5 qat Olimpiya çempionu Marten Furkad növbəti dəfə Rusiya və Belarus idmançılarının beynəlxalq yarışlardan diskvalifikasiya olunmasını haqsızlıq kimi dəyərləndirib. Sport24.az xəbər verir ki, məşhur fransalı idmançı bu iradına əhəmiyyət verilməyəcəyini bilsə də, mövqeyini dəyişməyəcəyini söyləyib: “İdmançıları təmsil edən bir şəxs və bir idmançı kimi əminəm ki, Rusiya və Belarus idmançılarının beynəlxalq yarışlarda iştirakına yenidən baxmalıyıq. Əlbəttə, Ukraynadakı gərgin vəziyyətdən xəbərdaram, amma fikrimcə, idmançıların şəxsiyyət vəsiqəsinə və milliyətinə baxıb onları mübarizədən kənarda qoymaq diskriminasiyadır. Siyasi proseslər onların çıxışına təsir göstərməməlidi. 15 ildir ki, Fransanı təmsil edirəm, amma heç vaxt yarışlarda öz hakimiyyətimizin maraqlarını müdafiə etməmişəm. Sadəcə, bir idmançı və bi insan kimi mübarizə aparmışam. Rusiyalı idmançıların siyasətdən daha yuxarıda olduğunu göstərməliyik. Bilirəm, bu fikrim qəbul olunmayacaq. Hər halda, kor deyiləm. Amma olimpiya prinsiplərinə sadiq insanam. Özüm Ukrayna xalıqının yanındayam. Rusiya idmaçılarının yarışlardan kənarlaşdırması Ukrayna xalqının əzabları yüngülləşdirməyəcək. Rusiya və Belarus idmançılarını dəstəkləyirəmsə, bu o demək deyil ki, Ukraynadakı işğala göz yumuram. Bu, heç vaxt belə olmayacaq”.
