Formula 1 üzrə Yaponiya qran-prisinin qalibi bəlli olub.
Sport24.az xəbər verir ki, "Red Bull"dan Maks Ferstappen bütün rəqiblərini qabaqlayıb.
Bununla da niderlandlı pilot karyerasında 2-ci çempionluğunu qazanıb. "Ferrari"dən Şarl Lekler finişə ikinci çatıb. "Red Bull"un digər pilotu Serxio Peres isə 3-cü yeri tutub.
Mövsümün növbəti qran-prisi oktyabrın 23-də ABŞ-ın Texas ştatında, Austin şəhərində keçiriləcək. 2022-ci il mövsümünün başa çatmasına dörd yarış qalıb.
