''Formula-1'' üzrə ikiqat dünya çempionu, ''Aston Martin''in pilotu Fernando Alonso indiki komandasına heç vaxt olmadığı qədər güvənmədiyini açıqlayıb. Sport24.az xəbər verir ki, ispaniyalı pilot bu mövsüm 8 mərhələdən sonra 117 xal toplayıb və şəxsi birincilikdə 3-cü pillədə qərarlaşıb: ''Düzdü, son Kanada Qran-prisində temp baxımından ''Red Bull''dan geri qalırdıq. Amma bu il rəqabətədavamlılıq baxımından ən yaxşı performansımızı məhz Kanadada sərgilədik. ''Aston Martin''dəki durumuma gəlincə, hər şey əladı. Hətta deyərdim ki, karyeramda öz komandama və həyata keçirdiyimiz layihəyə bu qədər güvəndiyim başqa dönəm xatırlamıram. Bolid düzgün istiqamətdə inkişaf edir. Bu il heç olmasa, bir Qran-pridə qalib gəlmək istəyirəm. Əminəm ki, əlimə belə bir fürsət düşəcək''.
