FİFA koronavirus pandemiyası dövründə ayrılmış vəsaitlərin istifadəsi ilə bağlı qayda pozuntularına görə Maldiv və Montserrat Futbol Assosiasiyalarının rəhbərlərinə qarşı sərt sanksiyalar tətbiq edib. Sport24.az xəbər verir ki. bu barədə "Goal" nəşri məlumat yayıb.
Mənbənin sözlərinə görə, nin məlumatına hər iki keçmiş funksioner futbolla bağlı bütün fəaliyyətlərdən ömürlük kənarlaşdırılıb və onlara ümumilikdə 2,25 milyon İsveçrə frankı (2,27 milyon ABŞ dolları) məbləğində cərimə tətbiq edilib.
Maldiv Futbol Assosiasiyasının keçmiş prezidenti Bassam Adil Cəlil futboldan ömürlük kənarlaşdırılıb və 1 milyon İsveçrə frankı (1,23 milyon ABŞ dolları) məbləğində cərimələnib. FİFA-nın apardığı araşdırma nəticəsində müəyyən edilib ki, o, pandemiya dövründəki yardım proqramının vəsaitlərini şəxsi məqsədləri üçün istifadə edib.
Araşdırmaya əsasən, Cəlil FİFA-nın vəsaitlərini öz şəxsi hesabına köçürüb və sonradan həmin pulla dəbdəbəli mənzillər alıb. O, korrupsiya, vəsaitlərin mənimsənilməsi və çirkli pulların yuyulması ilə bağlı iddialar üzrə araşdırma aparılan müddətdə əvvəlcə müvəqqəti olaraq vəzifəsindən kənarlaşdırılmışdı.
Yerli KİV-lərin məlumatına görə, Cəlil maliyyə korrupsiyası ittihamı ilə 32 illik həbs cəzası çəkir. Ötən ay o, səhhəti ilə əlaqədar olaraq ev dustaqlığına keçirilib.
İşdə adı hallanan digər şəxs isə Maldiv Futbol Assosiasiyasının maliyyə və inzibati məsələlər üzrə keçmiş direktoru Məhəmməd Aqildir. FİFA onu 10 il müddətinə futboldan kənarlaşdırıb və 100 000 İsveçrə frankı (123 min ABŞ dolları) məbləğində cərimələyib.
Aqilin FİFA vəsaitlərinin qanunsuz istifadəsinə şərait yaratdığı, pozuntuları gizlətdiyi, saxta sənədlərdən istifadə etdiyi və təşkilatın müstəqil Etika Komitəsi ilə əməkdaşlıqdan imtina etdiyi müəyyən edilib.
