İnidan-Uells “Masters” seriyalı turnirdə ukraynalı tennisçi Lesya Tsurenka 1/16 final mərhələsində belaruslu rəqibi Arina Sabalenka ilə qarşılaşmaqdan imtina edib. Sport24.az xəbər verir ki, bunun səbəbi ilə bağlı rəsmi açıqlama olmasa da, mətbuat bunu ukraynalı tennisçinin təşvişə düşməsi ilə əlaqələndirib.

Nəzərə alaq ki, Sabalenka bu il keçirilən “Böyük Dəbilqə” seriyalı Avstraliya Açıq tennis turnirinin qalibidir. Xatırladaq ki, Rusiyanın Ukraynanı işğal etməsindən sonra bu ölkələrin tennisçiləri üz-üzə gəlsə də, yarışdan sonra bir-birinin əlini sıxmayıb. Amma bu səbəbə görə görüşdən imtina faktı qeydə alınmamışdı.