Uzun illər boks dünyasının ən məhşur siması olan, superağır çəkidə sabiq dünya çempionu Mayk Tayson səmimi etirafı ilə diqqət çəkib. Sport24.az xəbər verir ki, əfsanəvi boksçunun sözlərinə görə, artıq bu idman növünə marağı qalmayıb: ''İndi boksa qarşı əvvəlki maraq və ehtirasım qalıbmı? Qətiyyən. Vaxt ötdükcə hətta məşq etməyə həvəs də itməyə başlayır. Amma qazanılan pulları xərcləmək həvəsi heç yerə itmir. Pullar düzgün xərclənilmirsə və vaxtından əvvəl bitirsə, yenidən rinqə çıxmağa məcbur olursan. Ümumiyyətlə, fikrimcə, döyüşə maraq göstərənlər həyatda heç bir işi-gücü olmayanlardı. Bir insan həyatda özünə iş tapa bilmirsə iki yoldan birini seçir: ya boksla məşğul olmağa başlayır, ya da cinayətkara çevrilir''.
Qeyd edək ki, 56 yaşlı Tayson peşəkar karyerasında 58 döyüş keçirib. O, bunlardan 50-də qalib gəlib, 6-da məğlub olub. 2 döyüşün nəticəsi isə keçərsiz sayılıb.
