Futbol üzrə AzərbaycanI I Liqasında III turun ikinci oyun günü geridə qalıb. Keçirilən hər üç qarşılaşma qonaq komandaların qələbəsi ilə başa çatıb. Sport24.az xəbər verir ki, "Şimal" öz meydanında "Şahdağ
Qusar"a 1:4 hesabı ilə məğlub olub. "Mingəçevir" evdə "Gəncəbasar"a 0:3, "Baku Sportinq" isə "Səbail"ə 0:1 hesabı ilə güzəştə gedib.
I Liqa
III tur
"Şimal" – "Şahdağ Qusar" – 1:4
Qollar: C.Kəlbəliyev, 74 – U.İsmayılov, 7; S.Məmmədov, 37; F.Camalov, 83; M.Baxşalı, 86
"Mingəçevir" – "Gəncəbasar" – 0:3
Qollar: D.Açimi, 39 (pen), 73 (pen); S.Əhmədov, 80
"Baku Sportinq" – "Səbail" – 0:1
Qol: Y.Said, 28
Bu nəticələrdən sonra xallarını 9-a çatdıran "Şahdağ Qusar" və "Gəncəbasar" turnir cədvəlinin ilk iki pilləsində mövqelərini qoruyublar. "Səbail" isə 7 xalla 3-cü sıraya yüksəlib.
Qeyd edək ki, Birinci Liqada III tura sabah keçiriləcək oyunlarla yekun vurulacaq.
