Beynəlxalq Gimnastika Federasiyası (FİG) Rusiya və Belarus idmançılarının öz bayrağı altında keçirilən yarışlardan kənarda qalması qərarını qüvvədə saxlayıb. Sport24.az xəbər verir ki, qurumun Lozannada keçirilən konfransında Ukraynadakı müharibəyə görə cəza müddətinin artırılması ilə bağlı məsələ müzakirəyə çıxarlıb.
Nəticədə konfrans iştirakçıları cəzanın qüvvədə qalmasına böyük səs çoxluğu ilə razılıq verib. Rusiya və Belarus gimnastlarının nə vaxt yarışlara qoşulacağı ilə bağlı isə konkret tarix müəyyənləşməyib. Amma Ukraynada vəziyyət dəyişən kimi qərar ləğv oluna bilər.
Qeyd edək ki, bu iki ölkənin gimnastları ilə yanaşı, hakimləri və rəsmi nümayəndələri də beynəlxalq tədbirlərə qatıla bilməz.
