''Alfa Tauri''nin yaponiyalı pilotu Yuki Çinoda son vaxtlar kəskin tənqid atəşinə tutulan komanda yoldaşı Nik de Vrisi ruhlandırmağa çalışaraq onun tərəfini tutub. Sport24.az xəbər verir ki, 28 yaşlı niderlandlı pilot ''Formula-1''də ilk mövsümünü keçirir.
Daha öncə ''Formula E'' seriyasında çempion olan De Vris ''Formula-1''də isə uğursuz çıxış edir. Onun aktivində hələ də xal yoxdu. ''Alfa Tauri'' rəhbərliyi ondan nəticələri yaxşılaşdırmağı tələb edib. Əks təqdirdə De Vris ilə yollar ayrılacaq.
Çunodanın fikrincə, 'Nik toparlanmağa və fikrini cəmləməyə çalışmalıdı: "Onun tempi var. Sadəcə, ritmi tapmaq lazımdı. Əsas problemi qeyri-sabitlikdi. Potensialı böyükdü və fikrimcə, bu çətinliyin öhdəsindən gələcək. Onun vəziyyəti ilk mövsümümdəki vəziyyətimə bənzəmir. Məndəki problemlər yalnız məndən qaynaqlanmırdı. Düzdü, bəzi məqamlarda ''artırmalı'' olduğumu bilirdim. Amma komanda anlayırdı ki, problem yalnız məndə deyil. Nik bir neçə dəfə təsnifatda və praktikada yaxşı nəticələr göstərib. Sadəcə, əsas yarışda bəxti gətirmir. Digər tərəfdən, bolidimiz də sürətli deyil. Bu məqam da yaxşı nəticə əldə etməyə mane olur''.
