Formula 1 üzrə dünya çempionatında mövsümün ilk Qran-prisində uğursuzluq yaşayan “Ferrari” hazırda ən çox tənqid atəşinə məruz qalan komandalardandı. Sport24.az xəbər verir ki, komandanın rəhbəri Fernando Vasser bunu anlaya bilmədiyini söyləyib: “İlk yarışa görə tənqid olunmağımızı anlaya bilmirəm. Məncə, təşviş keçirməyə əsas yoxdur. Hazırda bolidin etibarlılıq keyfiyyətini yüksəltməliyik. Sürətlə bağlı isə problemimiz yoxdur. Bizi uzun çempionat gözləyir. Bəli, Bəhreyn bizim üçün uğurlu alınmadı, amma hər bir işdə bir xeyir var”.
Xatırladaq ki, mövsümün ilk Qran-prisində “Ferrari”dən Karlos Sayns 4-cü yeri tutub, Şarl Lekler isə yarış avtomobilində yaranan problemə görə mübarizəni erkən dayandırıb.
