Meksika prezidenti Klaudia Şeynbaum FİFA-nın İranın DÇ-2026-da oyunlarını harada keçirəcəyi ilə bağlı son qərarı verdiyini açıqlayıb. Sport24.az xəbər verir ki, bu barədə "Goal" məlumat yayıb:
"FIFA matçların əvvəlki məkanlarından köçürülə bilməyəcəyinə qərar verdi". Onun sözlərinə görə, belə bir addım FIFA-nın yenidən böyük logistik işlər görməsini tələb edərdi.
Bir müddət əvvəl İran regional təhlükəsizlik narahatlıqlarını əsas gətirərək oyunlarının ABŞ-da deyil, Meksikada keçirilməsini istəmişdi. Lakin heç bir dəyişiklik edilməyəcək.
Qeyd edək ki, DÇ-2026 11 iyun - 19 iyul tarixlərində ABŞ, Kanada və Meksikada keçiriləcək. İran Belçika, Misir və Yeni Zelandiya ilə birlikdə G qrupunda yer alıb.
