"Mançester Siti" "Palmeyras"ın futbolçusu Vitor Reysi heyətinə cəlb etmək istəyir. Sport24.az xəbər verir ki, bu barədə insayder Fabrizio Romano məlumat yayıb.
"Şəhərlilər" artıq 18 yaşlı mərkəz müdafiəçisi üçün təklif göndərib. Futbolçu ilə artıq razılıq əldə olunub. Hazırda Vitorun iyula qədər Braziliya klubunda icarə əsasında çıxış edəcəyi üzərində danışıqlar aparılır.
Məlumatda bildirilir ki, bu, "Lans"ın futbolçusu Abdukodir Xusanovun "Mançester Siti"yə transferinə təsir göstərməyəcək. 20 yaşlı özbəkistanlı futbolçu yaxın zamanda İngiltərə klubuna qoşulacaq.
Qeyd edək ki, Vitor Reys karyerası ərzində 38 matça çıxıb və 2 qol vurub. Onun "Palmeyras" ilə müqaviləsi 2028-ci ilin dekabr ayına qədərdir.
