"Yuventus" yeni qapıçı transfer etmək məqsədilə azad agentləri nəzərdən keçirir. Sport24.az xəbər verir ki, bu barədə insayder Nikolo Skira sosial media hesabında paylaşım edib.
Bu ehtiyac Kamil Qrabaranın zədələnməsindən sonra yaranıb. O, məşq zamanı sağ dizindəki çarpaz bağları zədələyib. Avqustun sonlarında "Volfsburq"dan icarə əsasında Turin klubuna qoşulan 27 yaşlı polşalı qapıçı komandanın heyətində cəmi bir dəfə meydana çıxıb.
Mənbənin sözlərinə görə, "Yuventus" artıq potensial namizədləri müəyyənləşdirib. Onların arasında "Sevilya" və PSJ-nin keçmiş qapıçısı Serxio Riko, eləcə də 2015-2017-ci illərdə klubda çıxış etmiş 37 yaşlı braziliyalı Neto yer alır.
Qeyd edək ki, Turin klubu hazırda A Seriyasında səkkizinci pillədə qərarlaşıb.
