"Arsenal" və "Bayer" bu gün müdafiəçi Pyero İnkapyenin transferi ilə bağlı danışıqları davam etdirəcək. Sport24.az xəbər verir ki, bu barədə insayder Fabrisio Romano X sosial şəbəkəsində məlumat yayıb.
Mənbənin sözlərinə görə, "Arsenal" 23 yaşlı kolumbiyalını almaq öhdəliyi ilə icarəyə götürmək istəyir. Almaniya klubu isə futbolçunu birdəfəlik satmağı düşünür.
Qeyd edək ki, futbolçunun "Bayer"lə hazırkı müqaviləsi 2029-cu ilin yayına qədərdir. "Transfermarkt" portalı oyunçunun dəyərini 50 milyon avro qiymətləndirir. İnkapye ötən mövsüm bütün turnirlərdə 45 matçda iştirak edib, 3 qol vurub və 2 məhsuldar ötürmə edib.
