Aprelin sonlarında Las Veqasda WBA kəməri uğrunda mübarizədə Cervonta Devisə məğlub olan Rayan Qarsiya diqqətçəkən açıqlamalar verib. Sport24.az xəbər verir ki, iki boksçu həmin döyüşə qədər peşəkar karyeralarında uduzmamışdılar.
Devis 28, Qarsiya 23 döyüşün hamısında qalib gəlmişdi. Amma bu dəfə Qarsiya 7-ci raundda nokautla məğlub oldu.
Həmin uğursuzluqdan sonra 24 yaşlı boksçu baş məşqçisi ilə vidalaşdı: ''Uduzan kimi hamı məndən üz döndərdi. Bilirdim ki, əslində məni kimlərin dəstəklədiyini görmək üçün bir dəfə uduzmağım kifayət edəcək. Belə də oldu. Heç kim mətbuat konfransına gəlmədi və heç kim heç nə etmədi. Hazırlıq dönəmində hətta məni satanlar və rəqibə məlumat ötürənlər oldu. Heç kim mənə təsəlli vermədi. Hətta Devisin komandası mənə özümünkülərdən daha çox can yandırdı''.
