"Məncə, zəif oynadıq və yaxşı oyun sərgiləyə bilmədik. Mübarizələrdə "Qəbəl" daha üstün və istəkli idi. Daha yaxşı oynadılar və onlardan geri qaldıq". Bu sözləri Sport24.az-ın Qəbələyə ezam olunmuş əməkdaşına açıqlamasında "Şamaxı"nın futbolçusu Əli Səmədov deyib.

26 yaşlı yarımmüdafiəçi məğlubiyyətin səbəbləri haqda danışıb: "Oyundan-oyuna fərq var. Ötən tur "Neftçi" ilə mükəmməl oynadıq. Bəlkə də bu görüşdə bizdə rahatlıq vardı, bəlkə də yorğunluq. Amma belə deyim, "Qəbələ" bu görüşdə qələbəyə layiq idi. Bizdən daha yaxşı oynadı".

Səmədov qış fasiləsində keçdiyi məşqçilər korpusunun tələblərindən də söz açıb: "İntizam, taktika və mübarizə istəyirlər. Mübarizlik və döyüşkənliklə uğur qazanmağa çalışırıq. Futbolun içindən gəldikləri üçün bizi yaxşı başa düşürlər. Sərbəstlik verirlər. Verilən tapşırıqları yerinə yetirdiyimiz təqdirdə uğur qazana biləcəyik".

Qeyd edək ki, "Qəbələ" - "Şamaxı" oyunu 2:0 hesabı ilə başa çatıb.

 

 

MEHMAN SÜLEYMANOV