"Zirə"nin baş məşqçisi Rəşad Sadıqov millimizin üzvü olan gənc müdafiəçisi Cəlal Hüseynovun "Şamaxı"ya icarəyə verilməsinin səbəbini də açıqlayıb. Sport24.az xəbər verir ki, o, komandasında arxa xətdə rəqabətin böyük olduğunu diqqətə çatdırıb: "O, qalsaydı da, oynayacaqdı. Amma indi elə yaşıdır ki, daha çox şans qazanmalıdır. 3-4 klubdan təklifi var idi. Sonda "Şamaxı"nı seçdi. Cəza və zədə almadığı müddətdə bölgə klubunda 36 oyun keçirmək şansı var".
