Ötən illərin əfsanəvi tennisçisi Martina Navratilova uşaqlardan birini övladlığa götürmək planını təxirə salıb.Sport24.az xəbər verir “Böyük Dəbilqə” seriyalı turnirlərin 18 qat qalibi bunu xərçəng xəstəliyi ilə mübarizə aparması ilə əlaqələndirib.
Amerika mətbuatının məlumatına görə, amerikalı həkimlər bu ilin yanvarında sabiq tennisçinin orqanizmində yenidən xərçəng xəstəliyi aşkarlayıb. Bu dəfə o boğaz nahiyəsindəki şişdən əziyyət çəkir. Üstəlik, 2010-cu ildə döş xərçənginə qalib gələn Navratilovada yenidən həmin nahiyədə şişkinlik müşahidə edilib.
Xatırladaq ki, əslən çexiyalı olan, amma ABŞ təmsil edən Martina 1970-1990-cı illər aralığında 167 turnirin qalibi olub.
