UEFA Çempionlar Liqasının pley-off mərhələsi çərçivəsində keçiriləcək "Sabah" – "Hapoel Beer-Şeva" oyunu öncəsi mətbuat konfranslarının və məşqlərin vaxtı bəlli olub. Sport24.a xəbər verir ki, "Sabah"ın baş məşqçisi Valdas Dambrauskasın oyunöncəsi mətbuat konfransı avqustun 24-də saat 20:00-da, komandanın məşqi isə saat 20:30-da Tofiq Bəhramov adına Respublika stadionunda keçiriləcək.
Məşqin ilk 15 dəqiqəsi mətbuat üçün açıq olacaq.
"Hapoel Beer-Şeva"nın oyunöncəsi mətbuat konfransı saat 18:30-da, məşqi isə saat 19:00-da keçiriləcək. Rəqib komandanın mətbuat konfransı və məşqi də avqustun 24-də, Tofiq Bəhramov adına Respublika stadionunda baş tutacaq.
Məşqin ilk 15 dəqiqəsi mətbuat üçün açıq olacaq.
"Sabah" – "Hapoel Beer-Şeva" oyunu avqustun 25-də saat 20:45-də Tofiq Bəhramov adına Respublika stadionunda keçiriləcək.
Komandalar arasındakı ilk matçda İsrail təmsilçisi qələbə qazanıb – 2:1.
