Basketbol üzrə Avroliqada komandaların sayı artırıla bilər. Sport24.az xəbər verir ki, artıq Birləşmiş Ərəb Əmirliklərin ən varlı biznesmenlərindən olan Abdullah Əl-Nabuda Dubay şəhərində basketbol klubu yaratmaq istəyi ilə bağlı Avroliqa rəhbərliyi ilə danışıqlar aparır.
İspaniya mətbuatının məlumatına görə, ərəb sərmayədarı yaradılacaq yeni komanda üçün qarşıdakı 6 ilə 150 milyon avro xərcləməyə hazırdır. Şeyx Avroliqa rəhbərliyi ilə razılıq əldə edə bilsə, onun komandası 2024/25 mövsümündən bu liqada mübarizəyə qoşulacaq. Məsələ ondadır ki, Əl-Nabuda bununla da kifayətlənmək istəmir. O, 2025 və 2029-cu ildə Avroliqanın “dördlər finalı”nı Dubayda təşkil etməyi planlaşdırır.
Yeri gəlmişkən, liqa rəhbərliyi digər sərmayədarlar vasitəsilə London və Parisdə də komanda yaratmaq fikrindədi.
Xatırladaq ki, hazırda Avroliqada 16 komanda iştirak edir.
