Azərbaycan millisinin voleybolçusu Ayşən Abduləzimovanın çıxış etdiyi "Vaşaş" klubu CEV Çempionlar Liqasının qrup mərhələsində ikinci qələbəsini qazanıb. Sport24.az xəbər verir ki, Macarıstan təmsilçisi 5-ci turda öz meydanında Fransa "Nant"ına üç setdə qalib gəlib (3:0).

 

Abduləzimova bu oyunda 8 xal toplayıb.

 

İlk turda da "Nant"ı məğlub edən "Vaşaş" 5 xalla qrupda üçüncüdür. Həmyerlimizin komandası ikinci pillədə qərarlaşan Polşa təmsilçisi "Budovlani Lodz"dan 3 xal geri qalır.