"Azərreyl" oyun çətin keçdi". Sport24.az xəbər verir ki, bunu qadın voleybolçulardan ibarət "Murov Az Terminal" klubunun baş məşqçisi Eldar Yusubov deyib.
O, Yüksək Liqada "Azərreyl"ə qalib gəldikləri oyunu dəyərləndirib. Yusubov bildirib ki, vacib qələbə qazanıblar: "Əvvəlki oyunlarda məğlub olmuşduq. Komandada qələbəyə inam azalmışdı. Bu maneəni mütləq keçməliydik. Rəqibin bir oyunçusunun zədələnməsi də oyunun gedişatına təsir göstərdi. Bundan sonra zəif tərəflərimiz üzərində işləməliyik ki, növbəti oyunlarda da qələbə qazanaq".
Baş məşqçi ölkə çempionatında turnir cədvəlinə başçılıq edən "Abşeron"u fərqləndirib: "Onları lider kimi görürəm. "Abşeron" yaxşı oyun nümayiş etdirib qələbə qazanır. Öz komandama da qələbələrin davamını gətirməyi arzulayıram".
Qeyd edək ki, VII turda "Azərreyl"i 3:2 hesabı ilə məğlub edən "Murov Az Terminal" turnir cədvəlində 9 xalla beşincidir.
