"Yuventus" yayda "Qalatasaray"da icarə əsasında çıxış edən "Napoli"nin hücumçusu Viktor Osimheni transfer etmək istəyir. Sport24.az xəbər verir ki, bu barədə "TEAMtalk" məlumat paylaşıb.
Mənbənin məlumatına əsasən, İtaliya klubunun nümayəndələri 26 yaşlı futbolçunun transferini reallaşdırmaq üçün bütün əlaqələrini işə salıblar. "Mançester Yunayted" də forvard uğrunda mübarizə aparır.
Osimhenin özü isə Premyer Liqada çıxış etmək istəyir. Lakin futbolçunun agentinin "Juventus" rəhbərliyi ilə isti münasibətdə olmağı turinlilərin şansını artırır.
Qeyd edək ki, nigeriyalı 2024-cü ilin yayında icarə əsasında "Qalatasaray"a keçib. Forvard cari mövsümdə meydana çıxdığı 32 matçda 28 qol vurub, 5 məhsuldar ötürmə verib.
