Almaniyanın Qərb Regional Liqasında 25-ci turun oyunları keçirilib.
Sport24.az xəbər verir ki, azərbaycanlı futbolçu Rüfət Dadaşovun formasını geyindiyi “Şalke”nin ikinci komandası da növbəti matçına çıxıb.
Sözügedən kollektiv səfərdə “Düren”lə qarşılaşıb. Futbolçumuzun komandası bu matçdan heç-heçə ilə ayrılıb - 2:2.
Dadaşov bu görüşün iştirakçısı olmayıb. Azərbaycanlı hücumçunun adı matçın iştirak ərizəsinə də daxil edilməyib.
“Şalke”nin ikinci komandası hazırda 36 xalla 18 kollektiv arasında 8-ci pillədə qərarlaşıb.
