"Atletik Bilbao"nun baş məşqçisi Ernesto Valverde maraqlı açıqlaması ilə gündəmə gəlib. Sport24.az xəbər verir ki, mütəxəssis Çempionlar Liqasının 5-ci turunda "Slaviya" ilə qolsuz bərabərliklə yekunlaşan qarşılaşmadan sonra fikirlərini bölüşüb.
O, aldığı sarı vərəqəyə zarafatyana aydınlıq gətirib. Belə ki, havanın həddindən artıq soyuq olduğunu və isinmək məqsədilə hakimlərə etiraz etdiyini bildirib.
Oyunu dəyərləndirən Valverde bir xalın komanda üçün önəmli olduğunu, həmçinin oyunun gərgin keçməsinə baxmayaraq komandasının təqdirəlayiq performans sərgilədiyini vurğulayıb. Baş məşqçi əsas hədəflərinin pley-off mərhələsinə vəsiqə qazanmaq olduğunu diqqətə çatdırıb.
Qeyd edək ki, hazırda "Atletik Bilbao" 4 xalla turnir cədvəlində 28-ci, 3 xalı olan "Slaviya" isə 30-cu pillədə qərarlaşıb.
