Beynəlxalq Xizək İdmanı Federasiyasının (FİS) Rusiya və Belarus idmançılarının beynəlxalq yarışlardan kənarlaşdırmaqla bağlı qərarını qüvvədə saxlasa da, Avropada bununla bağlı hələ də narazılıq hökm sürür. Sport24.az xəbər verir ki, çəsələ ondadır ki, qurumun Rusiya və Belarus idmançıları konkret vaxt qoymur.
Məşhur norveçli xizək eksperti Petter Skinstad FİS-i qətiyyətsizlikdə günahlandırıb: “FİS-in addımları heç xoşuma gəlmir. Mənə elə gəlir ki, orda qorxaqlar oturur. Gözləyirlər ki, digər federasiyalar və BOK hansı qərarı qəbul edəcək, bunlar da onlara qoşulacaq. Sadəcə, hadisələrin axarını gözləyirlər. Bircə kəlmə demək lazımdır ki, Rusiya Ukrayna ərazisindən çəkilməyənə qədər bu ölkənin xizəkçiləri beynəlxalq yarışlara buraxılmayacaq. Qalan bütün qərarlar səhvdi. Onların belə qərar verməyə cəsarəti çatmır”.
